На польскіх запраўках вырасьлі цэны на ўсе катэгорыі паліва. Экспэрты тлумачаць, што гэта вынік павышэньня коштаў на аптовых рынках. Найбольш падаражэў аўтагаз – на 10 грошаў. Цяпер ён каштуе ў сярэднім 2 злотыя 9 грошаў. На 7 грошаў падаражэў літр „95-га” бэнзіну й дызэльнага паліва. У сярэднім бэнзін каштуе 4 злотыя 27 грошаў за літр, а дызельнае паліва – 3 злотыя 79 грошаў.

Рост цэнаў супаў у часе з днём Усіх Сьвятых – сьвятам памінаньня памерлых, калі на дарогах назіраецца ўзмоцнены аўтамабільны рух. Экспэрты паліўнага рынку аднак зазначаюць, што гэта звычайнае супадзеньне, а рост цэнаў зьвязаны з сытуацыяй на нафта-паліўным рынку ў сьвеце.