20 лістапада на беларуска-польскай мяжы адчынілі новы памежны тэрмінал “Казловічы-2”. Ён быў пабудаваны пры фінансавай падтрымцы Эўрапейскага Зьвязу. Знаходзіцца тэрмінал у 14-ці км. ад Берасьця.

Ва ўрачыстым адкрыцьці аб’екту ўзялі ўдзел галава Прадстаўніцтва Эўрапейскай камісіі ў Беларусі й ва Ўкраіне Пінту Тэйшэйра, кіраўнік прадстаўніцтва ЭК у Беларусі Жан-Эрык Хольцапфель, а таксама  старшыня Дзяржаўнага памежнага камітэту Беларусі Аляксандар Шпілеўскі.

Праект быў рэалізаваны ў рамках Эўрапейскай палітыкі добрасуседзтва. Яго будаўніцтва пачалося чатыры гады таму. Бюджэт тэрміналу склаў 16 млн. эўра, зь якіх 63%  - гэта сродкі ЭЗ, а рэшта – грошы беларускага боку.

Дзённая прапускная здольнасьць тэрміналу – 4 тыс. грузавікоў.