У гэтыя выходныя партыя «Права і справядлівасць» (ПіС) праводзіць па ўсё краіне выбарчыя партыйныя сходы.
Старшыня партыі Яраслаў Качыньскі выступіў з абяцаннем, што ў выпадку перамогі на выбарах і захавання ўраду ПіС у Польшчы ня будзе ігнаравання традыцыйных каштоўнасцяў.
Польшча не будзе паўтараць досвед Заходняй Еўропы, дзе гэтыя каштоўнасці адрынаюцца, а наадварот застанецца «выспай свабоды». З такімі выбарчымі абяцаннямі выступіў старшыня ПіС падчас сходу ў Кракаве.
Свабода цяпер знікае ў Заходняй Еўропе. Сёння за звычайныя словы пра тое, што аднаполыя пара ня можа мець дзяцей можна трапіць у суд. Так бывае ў некаторых краінах. Гэта ў Польшчы ў ніякім выпадку не прымецца.
Таксама Яраслаў Качынскі паабяцаў дзяржаўную падтрымку сем’ям, якія ПіС лічыць традыцыйнай ячэйкай грамадскага жыцця.
У нядзелю адбыліся тры выбарчыя сходы партыі: у Кракаве, Новым Сончу ды Тарнаве.
Парламенцкія выбары пройдуць у Польшчы 13-га кастрычніка.
ПР/юл