У нядзелю 20 верасня, як усе мінулыя нядзелі пасля выбараў у Мінску і іншых вялікіх гарадах прайшлі буйныя масавыя дэманстрацыі пратэсту супраць Аляксандра Лукашэнкі, яго палітыкі і фальсіфікацыі выбараў.
Дзясяткі тысяч чалавек з бел-чырвона-белымі сцягамі прайшлі па цэнтральных вуліцах гораду. Буйныя акцыі пратэсту адбыліся ў Гомлі, Брэсце, Гродне, Віцебску, Салігорску, Кобрыне, Лідзе ды меншых гарадах.Гэтым разам у Мінску зноў сабралася больш за 100 тысяч чалавек. Марш Справядлівасці ахопіў увесь цэнтр сталіцы. Распавядае журналіст Беларускай службы Эдуард Жолуд.
- Ініцыятары маршу першапачаткова прапаноўвалі пайсці да Канстытуцыйнага суду. Аднак сілавікі перакрылі ўвесь цэнтр гораду і не дазволілі пратэстоўцам так зрабіць. Акцыя вельмі масавая. Дзясяткі тысяч чалавек сабраліся каля Стэлы «Мінск – горад герой». Па колькасці прыблізна як у мінулыя разы. У пікавыя моманты было больш за 100 тысяч чалавек.
Міліцыя праводзіла затрыманні ў Гродне, Брэсце, Гомлі ды Мінску. Сілавікі нават зацягнулі ў аўтазак цяжарную жанчыну, гэты момант зафіксаваны на відэа. Усяго было затрымана 230 чалавек, паведаміў праваабарончы цэнтр "Вясна".
У Мінску затрыманыя 167 чалавек. У іх ліку - вядомы пластычны хірург Аляксей Дужий, давераная асоба Святланы Ціханоўскі Алег Майсееў, фатограф і дакументаліст Мікалай Мамінаў, а таксама звольнены супрацоўнік Белтэлерадыёкампаніі, аўтар Youtube-канала "Не па тэліку» Сяргей Казловіч. У рэгіёнах праваабаронцы сабралі звесткі пра 69 затрыманых.
юл