Войска Польскае дапаможа супрацоўнікам службы аховы здароўя падчас вакцынацыі пажылых людзей. Міністэрства нацыянальнай абароны Польшчы адкрыла спецыяльную тэлефонную лінію, звонячы на якую людзі пажылога ўзросту атрымаюць інфармацыю аб працэсе вакцынацыі, а таксама змогуць заказаць транспарт у медыцынскую ўстанову, дзе робяць прывіўкі. Міністр абароны Польшчы Мар’юш Блашчак паведаміў, што дапамога даступная кожнаму пажылому чалавеку.
- Да гэтага часу армія дапамагала ветэранам, цяпер жа мы будзем дапамагаць кожнаму пажылому чалавеку, які звернецца да нас з просьбай. Так што запрашаем тэлефанаваць, каб атрымаць дапамогу ад салдат Войскаў тэрытарыяльнай абароны.
У Польшчы вакцынацыя ад каранавіруса SARS-CoV-2 падзеленая на чатыры этапы. Актуальна адбываецца вакцынацыя грамадзян у рамках нулявога этапу: гэта медыкі і супрацоўнікі службы аховы здароўя, жыхары і працаўнікі дамоў для пажылых людзей, а таксама некаторыя іншыя катэгорыі людзей.