З самай раніцы прадстаўнікі дзяржаўных улад у Польшчы бяруць удзел ва ўрачыстасцях, прысвечаных 11-ай гадавіны Смаленскай катастрофы.
Прэзідэнт Польшчы Анджэй Дуда ўсклаў кветкі да магілы прэзідэнцкай пары ў Вавельскім саборы. Аддаўшы даніну пашаны, прэзідэнт заявіў, што члены дэлегацыі, якія загінулі пад Смаленскам, нягледзячы на розніцу ў поглядах на свет, прадстаўляюць адзінае грамадства, нацыю і памяць. Ён таксама заклікаў захаваць гэта адзінства і сёння. Прэзідэнт адзначыў, што агульная памяць і ўзаемная павага - гэта пытанні, якія выходзяць за рамкі палітычных адрозненняў.
- Калі мы хочам бачыць ва ўсім гэтым дабро, хай гэтым дабром будзе пачуццё адказнасці за пабудову супольнасці і пачуццё адказнасці за радзіму.
У Варшаве абдылася ўрачыстае ўскладанне вянкоў да помніка Леху Качыньскаму і ахвярам Смаленскай катастрофы на плошчы маршала Юзафа Пілсудскага. Падчас цырымоніі айцец Здзіслаў Такарчык прамовіў малітву, у якой падзякаваў за спадчыну прэзідэнта, які трагічна загінуў.
- Дзякуй за тое, што вы пакінулі нам гэту каштоўнасць любові да радзімы, барацьбы за радзіму, за яе бяспеку. Яшчэ змагання за салідарнасць паміж намі. Гэта было вельмі важныя для яго каштоўнасці.
Памяць загінулых у катастрофе ўшанавалі таксама прэм'ер-міністр Матэвуш Маравецкі, віцэ-прэм'ер Яраслаў Качыньскі, спікер Сейма Эльжбета Вітэк, міністр аховы здароўя Адам Нядзельскі, міністр нацыянальнай абароны Марыюш Блашчак , міністр сям'і і сацыяльнай палітыкі Марлена Малонг, міністр юстыцыі Збігнеў Зёбра ды міністр унутраных спраў Марыюш Камінскі.
Прадстаўнікі дзяржаўных уладаў таксама ўшанавалі памяць загінуўлых у Смаленскай катастрофе ля іх помніка на могілках Павонзкі. Прысутнічалі намеснік прэм'ер-міністра Качыньскі, прэм'ер-міністр Маравецкі і маршал Вітэк.
ПР/юл