Альянс байцоў розных этнічных груп, якія выступаюць супраць жорсткага падаўлення дэманстрацый у М'янме, напаў на паліцэйскі ўчастак. Паводле розных звестак, загінула ад 10 да 14 паліцыянтаў.
Службы бяспекі ўжываюць гвалт у дачыненні да людзей, якія пратэстуюць супраць дзяржаўнага перавароту. Яны страляюць у дэманстрантаў з агнястрэльнай зброі. З часу дзяржаўнага перавароту супрацоўнікі службы бяспекі застрэлілі 618 чалавек. 2931 чалавек арыштаваныя.
Партыя лаўрэаткі Нобелеўскай прэміі міру Аун Сан Су Чжы перамагла на лістападаўскіх выбарах у М'янме, былой Бірме. 1 лютага армія захапіла ўладу, заявіўшы, што вынікі галасавання былі сфальсіфікаваныя. Паводле дадзеных выбарчай камісіі, парушэнняў не было.
ПР/юл