Польскае радыё было са слухачамі 96 гадоў, прапаноўваючы, між іншым, усё, што звязана з культурай, у тым ліку спецыяльны партал пра Кшыштафа Кленчана, які быў запушчаны 7 красавіка, у 40-ю гадавіну смерці легенды польскай музыкі 60-70-х гг.
Гэта быў сапраўдны рокмэн – так пра Кленчана кажа музычная журналістка Польскага радыё Марыя Шаблоўская:
-Вельмі часта выкарыстоўвалася параўнанне, што Кленчан – гэта наш Джон Ленан, а Краеўскі – Пол Макартні.
На сайце klenczon.polskieradio24.pl можна пачуць архіўныя выказванні Кшыштафа Кленчана, яго жонкі Аліцыі, сястры Ганны і яго калег.
Гэта музычны збор ведаў – гаворыць журналіст, сустваральнік партала Пётр Вавроўскі:
-Мноства запісаў выступаў, канцэрты з Аполя, розныя канцэрты, якія запісваліся для Польскага радыё ў 60-х-пачатку 70-х гадоў.
Таксама можна праслухаць самыя вядомыя гіты, напісаныя Кленчанам, напрыклад, прысвечаны яго бацьку «Белы крыж» ці «Гісторыя аднаго знаёмства», натхнёную будучай жонкай. Усё ілюстравана фотаздымкамі з розных этапаў жыцця і кар'еры музыканта.
ав