X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Польскі відэаблогер: Савецкі бульдозер праехаў праз Гродна

11.07.2019 10:05
Палякі лічаць Гродна чысцейшым за Неапаль, але ездзяць у Беларусь радзей, чым у Егіпет.
Аўдыё
  • А.Е.Вяжбіцкі пра відэаблогі аб Беларусі
НавагрудакPixabay.com

Студэнт Варшаўскага ўніверсітэта Альберт Ежы Вяжбіцкі вывучае беларускую мову і падарожнічае па Беларусі. Заадно здымае там відэаролікі. Але разам з тым цікавіцца тым, якія фільмы ствараюць іншыя вандроўнікі. Усё гэта разам падштурхнула маладога чалавека да навуковага даследавання ролікаў польскіх відэаблогераў.

Альберт Ежы Вяжбіцкі вывучае нетры інтэрнэта і ютуба ў прыватнасці і высветліў, што самым першым польскім відэаблогерам, які адправіў на ютуб ролік пра Беларусь, быў Міхал Сікорскі. Першы яго беларускі відэаролік «Białoruś — jak tam jest naprawdę?» з’явіўся ў верасні 2015 года. І цяпер у гэтага фільма больш за мільён праглядаў. Другі фільм «Białoruś bez wizy» з’явіўся ў сацсетцы ў снежні 2016 года і сабраў амаль 400 тысяч праглядаў. У верасні 2018 года Міхал Сікорскі стварыў чарговы ролік пра сваё падарожжа ў Беларусь «Białoruś — kraj bez turystów?», які налічвае цяпер 200 тысяч праглядаў. Другім польскім відэаблогерам, які зацікавіўся Беларуссю, стаў сам Альберт Ежы Вяжбіцкі: «З верасня 2018 года я апублікаваў на сваім канале ў ютубе 14 фільмаў пра Беларусь. Колькасць праглядаў вагаецца ад 2 да 70 тысяч. Яшчэ адзін падарожнік, які наведаў Беларусь, хаваецца пад псеўданімам Marian na świecie. Ён апублікаваў два фільмы аб падарожжах ў Беларусь. Адзін з іх быў зняты ў Брэсце ў сакавіку 2018 года, другі — у Гродне ў лютым 2019-га. Колькасць праглядаў ролікаў — 17 тысяч кожны. Chłopaki w podróży ў верасні 2018 года апублікавалі ролік «Jedź na Białoruś, zanim to będzie modne», які пабачылі больш за 125 тысяч чалавек. Відэаблогер Historia w 5 minut у лістападзе 2016 года апублікаваў ролік «Białoruś. Historia w 10 minut. Państwa Europy», які мае ўжо 400 тысяч праглядаў. The Emigrants у снежні 2016 года апублікаваў відэа «20 faktów o Białorusi», якое налічвае больш за 200 тысяч праглядаў.

«Ёсць такая краіна, які знаходзіцца побач з намі, якая блізкая нам па культуры, менталітэце, з якой у нас не было ніводнага гістарычнага канфлікту, якая ўнесла многа ў нашу культуру, а мы — у яе, з якой у той жа час мы не падтрымліваем адносін. Гэта краіна ляжыць побач, а быццам вельмі далёка. Гэта краіна — Беларусь», — гэтымі словамі Міхал Сікорскі пачынае свой першы ролік пра Беларусь. Паводле статыстыкі толькі 1% палякаў, які выязджаюць за мяжу, выбіраюць Беларусь як месца свайго адпачынку. Для параўнання, у Харватыю з’ездзіла 13%, у Чэхію 7%, а ў Егіпет 4% палякаў.


Альберт Ежы Вяжбіцкі каля замка ў Міры (Беларусь). Альберт Ежы Вяжбіцкі каля замка ў Міры (Беларусь).

Польскія відэаблогеры ў Беларусі вельмі часта адзначаюць якасць дарог. Прычына гэтага захаплення, на маю думку, — агульнае перакананне сярод палякаў, што Беларусь гэта бедная краіна, дзе ўсё развальваецца. У інтэрнэце даволі часта мы знаходзім каментарыі, дзе бедныя рэгіёны, вёскі ўсходняй Польшчы (асабліва Падляшша) параўноўваюць з Беларуссю, наўрад ці, каб пахваліць іх выгляд. Ва ўсіх відэароліках дарогі ў Беларусі характарызуюцца як чыстыя, з роўнай паверхняй і як узор для польскіх дарог.

Тэма, якая таксама закранаецца польскімі відэаблогерамі, — гэта чысціня гарадоў Беларусі. А самай цікавай тэмай у польскіх роліках пра Беларусь з’яўляецца яе савецкая спадчына. У Польшчы пасля распаду Савецкага Саюза і выхаду краіны з яго сферы ўплыву, помнікі таго часу, у пераважнай большасці, былі знесены. Калі польскія відэаблогеры хочуць падкрэсліць тое, што найбольш адрознівае Беларусь ад Польшчы, яны ў першую чаргу выкладваюць у інтэрнэт відэа савецкіх помнікаў. Міхал Сікорскі тлумачыць палякам, што разглядаць сутнасць гэтых помнікаў у Беларусі трэба інакш, чым яны разглядаліся б у Польшчы, бо ў беларусаў іншыя ўспаміны пра камунізм, больш пазітыўныя. Аўтары відэа адзначаюць уплыў савецкіх часоў на архітэктуру гарадоў Беларусі. Marian na świecie кажа пра Гродна: «Савецкі бульдозер праехаў праз гэты горад, ствараючы яго непаўторны выгляд. Мы не знойдзем іншага такога горада».

Відэаблогеры не пакідаюць па-за ўвагай сляды супольнай польска-беларускай гісторыі ў Беларусі. Напрыклад, Marian na świecie паказвае ў Брэсце польскі надпіс на адной з крам, які застаўся з часоў даваеннай Польшчы. Таксама часта ўпамінаецца Адам Міцкевіч і яго сувязі з Беларуссю. Наколькі ў Польшчы ведаюць, што Міцкевіч пісаў пра сваю родную Літву, так, мабыць, не ўсім вядома, што Навагрудак, дзе ён нарадзіўся, знаходіцца ў межах Беларусі. Чарговай супольнай часткай гісторыі нашых краін з’яўляецца гісторыя яўрэяў, пра што гаворыць Marian na świecie. Міхал Сікорскі адзначае, што ў Заходняй Беларусі захоўваецца польская спадчына, але, на жаль, забытая палякамі, у той жа час беларусы не ўспрымаюць яе як сваю».

Віктар Корбут

Больш на гэтую тэму: Варшаўскі мост