X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Выстава «Тры абліччы Варшавы» - унікальныя здымкі польскай сталіцы (ФОТА)

09.09.2019 14:11
Выстава «Тры абліччы Варшавы», прымеркаваная да 80-годдзя пачатку Другой сусветнай вайны.
Аўдыё
  • Выстава „Тры абліччы Варшавы” - унікальныя здымкі польскай сталіцы.
   .
Выстава „Тры абліччы Варшавы”.PAP/Marcin Obara

«Тры абліччы Варшавы» (Warszawa w trzech odsłonach) - гэта назва выставы на адкрытым паветры, якую падрыхтаваў Музей Варшаўскага гета. З экспазіцыяй можна пазнаёміцца на Грыбоўскай плошчы ў цэнтры польскай сталіцы.

Выстава «Тры абліччы Варшавы» прымеркаваная да 80-годдзя пачатку Другой сусветнай вайны. Яна паказвае польскую сталіцу на трох этапах ейнай гісторыі. Гаворка ідзе пра даваенныя часы, час вайны і перыяд адбудовы.

Выстава - гэта запрашэнне прагуляцца па выбраных вуліцах сталіцы, якія за некалькі апошніх дзесяцігоддзяў рашуча змяніліся.

Экспазіцыя паказвае, што гэты калісьці шматкультурны горад быў не толькі калыскай мастакоў і вядомых дзеячаў, але таксама месцам велізарных пакутаў яго жыхароў, іх гераічнага супраціву. Сляды гэтых падзеяў можна знайсці ў Варшаве па сённяшні дзень.

Аўтары выставы пераконваюць, што наведваючы Варшаву, варта паглядзець на яе менавіта праз прызму таго, што было знесена і ажыло нанава на завалах.


Выстава „Тры абліччы Варшавы”. PAP/Marcin Obara Выстава „Тры абліччы Варшавы”. PAP/Marcin Obara

Экспазіцыю складаюць 12 стэндаў, якія паказваюць, як мянялася 12 выбраных месцаў у цэнтры польскай сталіцы.

На фотаздымках можна паглядзець, між іншым, такія месцы, як: Банкаўская плошча, Грыбоўская плошча, плошча Жалезнай брамы, сінагога на плошчы Тамацке, а таксама вуліцы: Залатую, Халодную, Лешна, Зельную, Гранічную і Каралеўскую.

Здымкі паказваюць, што на пачатку XX стагоддзя Варшава - сядзіба аднаго з правінцыйных губернатараў тагачаснай расійскай імперыі - была густанаселеным, шматлюдным горадам з сеткай вузкіх вуліц, двароў і паўсюдных крамаў. Яна была надзвычай жывым горадам, поўным кантрастаў і цікавай архітэктуры.

Пасля таго, як Польшча атрымала назад незалежнасць, у 1920-х і 1930-х гадах Варшава пачала ператварацца ў сучасны мегаполіс, развіццё якога было перапыненае пачаткам Другой сусветнай вайны.


Выстава „Тры абліччы Варшавы”. PAP/Marcin Obara Выстава „Тры абліччы Варшавы”. PAP/Marcin Obara

На здымках бачна, што амаль з першых дзён акупацыі немцы пачалі пераследаваць жыхароў Варшавы. Неадкладна былі ўведзеныя распараджэнні, якія дыскрымінавалі габрэяў і санкцыянавалі першыя рэпрэсіі.

Куратарка выставы Магдалена Пецык (Magdalena Piecyk) звяртае увагу, што на дошках, датычных часоў Другой сусветнай вайны, можна пабачыць сцены Варшаўскага гета.

- Перш за ўсё, другая частка выставы – ваенная Варшава, звяртае ўвагу на сцены гета, якія паявіліся ў краявідзе горада ўжо ў 1940 годзе. На здымках мы можам пачабыць, што ў самым цэнтры сталіцы ўзнікла найбуйнейшая турма пад адкрытым небам, у якой былі зняволеныя больш за 450 тысяч варшаўскіх габрэяў. Яны загінулі або ад голаду, або ў канцлагеры Трэблінка.

Немцы загналі ў гета амаль траціну жыхароў сталіцы, якія кожны дзень змагаліся за чалавечую годнасць і выжыванне. У красавіку 1941 года разам з перасяленцамі ў гета маглі знаходзіцца да 400 тысяч чалавек. Прыблізна столькі, паводле агульных ацэнак, складае колькасць яго ахвяр. Сярод іх амаль 100 тысяч загінулі альбо памерлі ад голаду і хвароб, а каля 300 тысяч іншых былі вывезеныя і забітыя ў канцлагеры ў Трэблінцы.

Пасля ліквідацыі гета і падаўлення паўстання вясной 1943 года, гэтая частка горада была дашчэнту разбураная.


Куратарка выставы Магдалена Пецык . PAP/Marcin Obara Куратарка выставы Магдалена Пецык . PAP/Marcin Obara

Магдалена Пецык нагадала, што на здымках паказаныя таксама іншыя важныя гістарычныя месцы ў Варшаве.

- Напрыклад, Umschlagplatz - спецыяльны перавалачны пункт у гета, адкуль вязняў адпраўлялі ў лагеры смерці. Ёсць таксама выдатны здымак, зроблены з гандлёвага комплексу Міроўскія залі. Ён паказвае калону людзей, якіх немцы накіроўваюць на Umschlagplatz з мэтай вывазкі, або людзей, якія спрабуюць уцячы з Варшавы, з гета. Гета - гэта лейтматыў гэтак званай ваеннай часткі выставы, паколькі пасля паўстання ў ім вясной 1943 году, Варшава была амаль суцэльна разбураная, а жыхары вынішчаныя.

Пасля падаўлення Варшаўскага паўстання нямецкія акупанты знішчылі чарговыя раёны горада. Пасля вайны з мора руінаў засталіся толькі нешматлікія фрагментаў будынкаў. Нягледзячы на гэта, пачаўся працэс адбудовы Варшавы – сталіца пачала нанава атрымліваць пышнасць і хараство.


Выстава „Тры абліччы Варшавы”. PAP/Marcin Obara Выстава „Тры абліччы Варшавы”. PAP/Marcin Obara

Дырэктар Музея Варшаўскага гета Альберт Станкоўскі (Albert Stankowski) адзначыў, у сваю чаргу, што выстава падкрэслівае шматгранны характар гісторыі.

- Выстава разказвае пра гісторыю горада, у прыватнасці, пра гісторыю яго шматнацыянальнасці і шматкультурнасці. Гэтую выставу павінен паглядзець кожны жыхар Варшавы, а таксама кожны турыст, каб зразумець, чым была Варшава да вайны, а таксама ў ваенны і пасляваенны перыяды.

Фотаздымкі паходзяць, сярод іншага, з калекцый Габрэйскага гістарычнага інстытута, Інстытута мастацтва Польскай акадэміі навук, Дзяржаўнага архіва Варшавы, Музея Варшаўскага паўстання, Варшаўскага кансерватара помнікаў, Польскага агенцтва друку, Фонду 39, Бібліятэкі Кангрэса і Нацыянальнай бібліятэкі.

З экспазіцыяй на Грыбоўскай плошчы можна пазнаёміцца да 15 лістапада бягучага году. Адкрыццё пастаяннай выставы Музей варшаўская гета плануе на красавік 2023 года ў будынку на вуліцы Сіенна, 60.


Выстава „Тры абліччы Варшавы”. PAP/Marcin Obara Выстава „Тры абліччы Варшавы”. PAP/Marcin Obara

Музей Варшаўскага гета з'яўляецца дзяржаўнай установай культуры. Ён быў створаны ў сакавіку 2018 года па рашэнні міністра культуры і нацыянальнай спадчыны. Яго мэта - распаўсюджванне ведаў пра гісторыю Варшаўскага гета і іншых закрытых раёнаў, створаных немцамі на тэрыторыі ўсяе Польшчы падчас Другой сусветнай вайны.

аз