X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

У Беларусі праходзіць Месяц польскай літаратуры

07.11.2019 16:33
Цэлы месяц будуць ладзіцца імпрэзы, каб пазнаёміць беларусаў з сучаснай польскай мастацкай і дакументальнай кнігай.
Аўдыё
  • Польская літаратура гучыць у Мінску
Здымак мае ілюстрацыйны характарImage by Katrina_S from Pixabay/CC0

Лістапад стане месяцам польскай літаратуры ў Беларусі. Гэта звязана з адмысловай акцыяй, якую ладзіць Польскі інстытут у Менску. 

Акцыя пачалася 5 лістапада прэзентацыяй кнігі Людмілы Хмяльніцкай «Лёс інсургента: Дакументальная аповесць аб Аляксандру Рыпінскім і ягоным часе», выдадзенай пры падтрымцы Польскага Інстытута ў серыі «Наша ХІХ стагоддзе» выдавецтвам «Лімарыус». Так у беларускай сталіцы пачаўся чарговы, ужо восьмы па ліку, «Месяц польскай літаратуры».

Аляксандр Рыпіньскі – гэта польска-беларускі паэт, удзельнік паўстання 1830-га года, якія пасля вяртання з эміграцыі займаўся вывучэннем у тым ліку і беларускага фальклору.

У рамках «Месяца польскай літаратуры» запланаваная сустрэча з польскімі пісьменнікамі, прэзентацыя анталогіі польскай драматургіі, чытанні твораў польскіх ды беларускіх аўтараў. У рамках святкавання 25-годдзя існавання інстытуту будуць выдадзеныя новыя польскія кнігі па-беларуску, распавёў Польскаму радыё дырэктар Польскага інстытута ў Менску Цэзары Карпіньскі.

- Цяпер рыхтуецца новае выданне Каханка Вялікай Мядзведзіцы Сяргея Пясецкага, таксама мы вядзем размовы з Янушам Вішнеўскім пра тое, каб выдаць другую частку «Самотнасці ў Сеціве». Таксама да нас прыязджае ў госць спадар Антоні Лібэра, аўтар вядомай кніжкі «Мадам».Мы рыхтуем вялікі праект прысвечаны папулярызацыі польскай драматычнай літаратуры.

Пераклад кнігі «Мадам» зрабіла менская перакладчыца Марына Шода. Кніга ўжо выдадзеная і можна яе прачытаць па-беларуску. Гэта надзвычай цікавая пазіцыя, кажа перакладчыца.

- У «Месяцы польскай літаратуры» 14 лістапада адбудзецца прэзентацыя свежага перакладу кнігі «Мадам» Антонія Лібэры, якая выйшла ў выдавецтве «Мастацкай літаратуры». Лібэра – вядомы польскі літаратуразнаўца, перакладчык, рэжысёр, аўтар адной мастацкай кнігі. Затое якой! «Мадам» – гэта гісторыя старшакласніка, які закахаўся ў настаўніцу французскай, і спрабуе дзякуючы сваім талентам заваяваць сэрца настаўніцы. Вельмі захапляльны твор, які звяртаецца да гісторыі Польшчы 1960-70ых гадоў, якая нагадвала тое, што тады адбывалася ў Савецкім Саюзе. Вельмі цікавая кніга.

Польская літаратура ў Беларусі цяпер даволі вядомая. Гэта адбываецца дзякуючы перакладам, польскай падтрымцы, кажа намесніца старшыні Беларускага ПЭН-цэнтра Тацяна Нядбай.

- У Беларусі ёсць вялікая колькасць файных прафесійных перакладчыкаў з польскай мовы. Гэта ўсё дзякуючы намаганням Польшчы. Польскі бок вельмі актыўна падтрымлівае прамоцыю. Уласнай літаратуры за межамі, у Беларусі. Дзякуючы гэтаму сфармавалася моцная школа перакладчыкаў. У параўнанні з іншымі літаратурамі, найбольш перакладаў на беларускую ў польскай. Таксама ёсць міжкультурныя сувязі з аўтарамі, з перакладчыкамі, што вельмі спрыяе прасоўванню культуры. Пры гэтым, Беларусь знаходзіцца ў межах расейскай інфармацыйнай прасторы. Магчыма трэба крыху больш інфармацыйнай працы, каб паказваць польскую культуру ў Беларусі.

У рамках «Месяца польскай літаратуры» таксама беларускія чытачы змогуць пачытаць ці паслухаць па-польску 12 польскіх бестселераў дзякуючы парталу «Czytaj.pl» - найбуйнейшай акцыі ў Польшчы па папулярызацыі чытання. 

Юры Ліхтаровіч