Родная мясцовасць нашай сённяшняй гераіні паэткі Дарʼі Ліс – Залессе – знаходзіцца на сярэдзіне шляху з Мінска ў Вільню. Горад вядомы перш за ўсё тым, што жыў там кампазітар Міхал Клеафас Агінскі – аўтар паланэза «Развітанне з Радзімай». Зусім нядаўна радавая сядзіба Агінскіх прайшла грунтоўны рамонт. Там ладзяцца канцэрты музыкі Агінскага, сустрэчы, канферэнцыі і фестывалі прысвечаныя яго творчасці.
Дарʼя Ліс – беларуская паэтка, пісьменніца і журналістка, з якой сёння паразмаўляем пра літаратурную творчасць але таксама пра ўзровень безбар’ернасці ў Беларусі. Бо Даша хворая на СМА (спінальна цягліцавая атрафія). Нягледзячы на тое, што яна перасоўваецца на вазку, паслухаўшы яе разважанні, вы пераканайцеся, Даша – гэта чалавек з неабмежаванымі магчымасцямі.
Размову з Дарʼяй Ліс запісаў Яраслаў Іванюк, а праслухаць яе можна ў далучаным гукавым файле.
эж