У чацвер, 20 студзеня, у чатырох еўрапейскіх сталіцах: Мінску, Вільне, Празе і Варшаве прайшлі ўрачыстыя набажэнствы ў памяць пра вялікага гуманіста і беларускага першадрукара Францішка Скарыны. Сёлета спаўняецца 500 гадоў з дня выхаду яго «Малой падарожнай кніжыцы».
Францішак Скарына – друкар, перакладчык, выдавец, філосаф гуманіст сусветнага значэння, які паходзіць з беларускага Полацку. 500 гадоў таму Скарына стварыў у Вільні першую ў ВКЛ друкарню, пераклаў Біблію на старабеларускую мову.
Гісторык Яўген Дудкін, які ўдзельнічаў ва ўрачыстай імшы па Францішку Скарыне ў Варшаўскім кафедральным саборы, звярнуў увагу на панадчасовасць спадчыны Францішка Скарыны. Узгадваючы Скарыну і яго асветніцкую дзейнасць, удзельнікі ўрачыстай імшы вялікую ўвагу надавалі выкарыстанню ягонай спадчыны ў сучаснай Беларусі, якая на дзяржаўным узроўні адкідваецца цалкам. Наяўнасць больш за 1000 палітвязняў з'яўляецца самым яскравым прыкладам адпрэчвання гуманізму. Молячыся за Скарыну, удзельнікі імшы маліліся і за палітвязняў у Беларусі, кажа польская актывістка з Беларусі, якая сама прайшла праз лукашэнкаўскія засценкі Ірэна Бернацкая.
Тэолаг, дактарант Універсітэту імя кардынала Стэфана Вышыньскага Сяргей Аношка лічыць, што набажэнсвты па Францішку Скарыне, якія адбываліся на некалькіх мовах і адразу ў чатырох еўрапейскіх сталіцах, сталі годным працягам гуманістычнай традыцыі, да якой і налажыў першадрукар:
-Памятаючы пра Францішка Скарыну, пра яго ўнёсак у еўрапейскую культуры, мы зможам, як калісь казаў наш пясняр, «заняць свой пачэсны пасаг між народамі». На жаль большасць з нас не ведаюць, не памятаюць імя Францішка Скарыны. Яно знікла і з цэнтру нашай сталіцы. (...)
Ініцыятарам урачыстай імшы па Францыску Скарыне – вялікім ураджэнцы зямлі беларускай – было МЗС Польшчы.
Слухайце аўдыё!
эж