X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Польшча перамагла ў спрэчцы з «Газпромам», датычнай газаправода OPAL

10.09.2019 15:16
Еўрапейскі суд адмяніў рашэнне Еўракамісіі аб павелічэнні доступу расійскага «Газпрому» да трубаправода OPAL, які з'яўляецца адгалінаваннем «Паўночнага патоку».
Zdjęcie ilustracyjne
Zdjęcie ilustracyjnepixabay.com

Еўрапейскі суд адмяніў рашэнне Еўракамісіі аб павелічэнні доступу расійскага «Газпрому» да трубаправода OPAL, які з'яўляецца адгалінаваннем «Паўночнага патоку». 

Такім чынам Еўрапейскі суд падтрымаў Польшчу, якая ў 2016 годзе абскардзіла рашэнне Еўракамісіі. ЕК дазволіла «Газпрому» павялічыць выкарыстанне магутнасці газаправода. На думку суддзяў у Люксембургу, рашэнне Еўракамісіі было прынятае з парушэннем прынцыпаў энергетычнай салідарнасці. 

Абгрунтоўваючы сваё рашэнне, суддзі напісалі, што прынцыпы энергетычнай салідарнасці звязаныя не толькі з абавязкам узаемнай дапамогі, напрыклад, у выпадку стыхійных бедстваў альбо тэрактаў; прынцыпы прадугледжваюць, што еўрапейскія інстытуты і краіны ЕС абавязаны пазбягаць дзеянняў, якія могуць нанесці шкоду інтарэсам ЕС і іншых краін з пункту гледжання бяспекі паставак. Суддзі таксама падкрэслілі, што Еўракамісія не вывучыла наступстваў свайго рашэння. 

Польшча, аспрэчваючы рашэнне Еўракамісіі, падкрэсліла, што павелічэнне магчымасці выкарыстання газаправода OPAL «Газпромам» пагражае бяспецы паставак газу ў Еўрапейскі Саюз. Варшава падкрэслівала, што рашэнне парушае прынцып дыверсіфікацыі крыніц і паставак прыроднага газу, і ставіць ЕС у яшчэ большую залежнасць ад газу з Расіі ў сітуацыі, калі Еўропа хоча паменшыць гэтую залежнасць. Польшчу падтрымалі Літва і Латвія. Германія заняла пазіцыю Еўракамісіі.

Як падкрэсліў ў Варшаве старшыня польскай нафтагазавай кампаніі PGNiG Пётр Возьняк, дзякуючы гэтаму рашэнню гадавы паток газаправода OPAL зменшыцца на 12,5 мільярда кубічных метраў. 

- Мы чакаем змяншэння прапампоўкі газу. Трэба падкрэсліць, што гэта прысуд Еўрапейскага суду, і калі «Газпром» не падпарадкуецца, то гэта можна будзе ўспрыняць як кпіну з рашэння Еўрапейскага суда. 

28 кастрычніка 2016 года па просьбе нямецкага рэгулятара «Bundesnetzagentur» Еўракамісія дазволіла «Газпрому» павялічыць выкарыстанне газаправоду OPAL з 50% да 80%. 4 снежня 2016 года польская кампанія PGNiG абскардзіла рашэнне Еўракамісіі ў суд. Суд прыпыніў рашэнне ЕК з 23 снежня.

яс