X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Польшча перамагла ў Еўрапейскім судзе юстыцыі з расійскім Газпромам

11.09.2019 15:13
На думку польскіх экспертаў і ўраду, гэта можа прадухіліць газавы крызіс ва Украіне бліжэйшай зімой.
Аўдыё
  • Газпром не зможа на 100% выкарыстоўваць газаправод OPAL
Zdjęcie ilustracyjne
Zdjęcie ilustracyjneShtuterstock

Газпром не зможа выкарыстоўваць на поўную магутнасць трубаправод OPAL. Еўрапейскі суд юстыцыі адмяніў рашэнне Еўрапейскай камісіі, прынятае ў 2016 годзе. На думку польскіх экспертаў і прадстаўнікоў ураду дзяржавы, гэта можа прадухіліць газавы крызіс ва Украіне бліжэйшай зімой.

Тры гады таму Еўрапейская камісія прызнала прадпрыемству Газпром фактычную манаполію на карыстанне трубаправодам OPAL – галоўным нямецкім адгалінаваннем балтыйскага газаправоду Nord Stream (Паўночны паток). Газаправод OPAL ідзе па тэрыторыі Германіі ўздоўж нямецка-польскай мяжы. У аўторак Еўрапейскі суд юстыцыі ў Люксембургу ануляваў рашэнне камісіі і закончыў такім чынам разгляд скаргі Польшчы на дадзенае рашэнне.

У Польшчы эксперты ды прадстаўнікі ўраду выказваюць задавальненне вынікам судовага разгляду. Старшыня кабінету міністраў Матэвуш Маравецкі заявіў, што такім чынам будзе скарочана манаполія Газпрому на пастаўкі газу.

- Калі б не сённяшняе рашэнне Еўрапейскага суду, то манаполія Газпрому на пастаўкі сыравіны яшчэ больш вырасла б. Гэтая манаполія была небяспечнай для Польшчы. Дзякуючы вердыкту суду, Газпром і Германія не змогуць карыстацца гэтым трубаправодам у якасці стопрацэнтнага манапаліста. Суд вырашыў, што выкарыстанне трубаправоду павінна адбывацца паводле рынкавых правілаў, што стварае значна лепшыя ўмовы канкурэнцыі з расійскім газам.

Прэм’ер-міністр дадаў, што вердыкт Еўрапейскага суду юстыцыі вельмі важны для Польшчы, дае ёй значны элемент перавагі. Матэвуш Маравецкі падкрэслівае, што Польшча паступова становіцца ўсё больш незалежнай ад расійскай сыравіны.

- Мы перамаглі з Еўрапейскай камісіяй па фундаментальнай справе. Газаправод OPAL на самой справе з’яўляецца падоўжаннем газаправоду Паўночны паток 1 – трубаправоду паміж Расіяй і Германіяй. Мы ўзмацняем свой суверэнітэт дзякуючы Baltic Pipe – гэта значыць, балтыйскаму газаправоду ў Нарвегію. Праз некалькі гадоў ён будзе гатоў. Акрамя таго, у нашай краіне пашыраецца ўнутраная газаздабыча, мы збудавалі тэрмінал звадкаванага газу ў Свінауйсці, а таксама новы тэрмінал у Гданьскім заліве.

Прадстаўнікі польскага ўраду выказваюць задавальненне, што Еўрапейскі суд юстыцыі абмежаваў сваім рашэннем манаполію Газпрому ў Еўропе. Гэта значыць таксама, што да поглядаў Польшчы прыслухоўваюцца ў такіх важных еўрапейскіх установах. Вердыкт сведчыць таксама пра эфектыўнасць польскага ўраду ў прасоўванні сваёй пазіцыі, – кажа прэс-сакратар кіруючай партыі «Права і справядлівасць» Аніта Чэрвіньска.

- Вердыкт паказвае таксама, наколькі эфектыўная дзейнасць польскай адміністрацыі. І вельмі важная па дадзеным пытанні салідарнасць нашых суседзяў, паколькі нас падтрымалі Літва і Латвія. Гэта вельмі істотна.

У абгрунтаванні свайго вердыкту суддзі Еўрапейскага суду юстыцыі адзначылі, што рашэнне Еўрапейскай камісіі было прынята з парушэннем прынцыпу энергетычнай салідарнасці. Падчас падачы скаргі ў суд польскія істцы адзначалі, што магчымасць поўнага выкарыстання магутнасці газаправоду OPAL Газпромам стварае пагрозу для сістэмы бяспекі паставак газу. Калі б Газпром мог манапалізаваць пастаўкі праз нямецкае адгалінаванне, ён мог бы таксама значна скараціць або цалкам адмовіцца ад транзіту сыравіны праз тэрыторыю Украіну. Меркаваннем Польшчы, рашэнне суда ў Люксембургу не дазволіць Газпрому гэта зрабіць, прынамсі бліжэйшай зімой. Дзякуючы гэтаму расійскаму манапалісту прыйдзецца працягваць перамовы з Еўракамісіяй ды Украінай.

«Перамога Польшчы ў дадзеным выпадку змяншае верагоднасць сур’ёзнага газавага крызісу ва Украіне, які мог бы ўдарыць па іншых краінах рэгіёну, у тым ліку па Польшчы», – напісаў у афіцыйнай заяве міністр энергетыкі Польшчы Кшыштаф Тхужэўскі. З заявай выступіла таксама Міністэрства замежных спраў дзяржавы, якое адзначыла: «Польскі бок перакананы, што вердыкт будзе мець істотнае значэнне для пашырэння канкурэнцыі на рынку газу і ўмацавання энергетычнай бяспекі Еўрапейскага Саюзу».

Нагадаем, пазіцыю Польшчы ў спрэчцы з Еўрапейскай камісіяй падтрымалі Літва і Латвія, па другім баку выступіла Германія. Гэта чарговая падзея, пасля Газавай дырэктывы, якая абмяжоўвае манаполію Газпрому ў Еўропе.

ІАР ПР/нг