X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Польскай арміі не хапае генералаў

13.08.2019 16:43
У ліку польскіх генералаў няма ніводнай жанчыны, што ў краінах Захаду даўно з’яўляецца стандартам.
Nominowani na stopień generała brygady, od prawej: dowódca 1. Brygady Pancernej płk Jan Wojno, szef sztabu Inspektoratu Wsparcia Sił Zbrojnych płk Zbigniew Powęska, dowódca 2. Skrzydła Lotnictwa Taktycznego płk pil. Ireneusz Nowak oraz dowódca 25. Brygady Kawalerii Powietrznej płk Adam Marczak
Nominowani na stopień generała brygady, od prawej: dowódca 1. Brygady Pancernej płk Jan Wojno, szef sztabu Inspektoratu Wsparcia Sił Zbrojnych płk Zbigniew Powęska, dowódca 2. Skrzydła Lotnictwa Taktycznego płk pil. Ireneusz Nowak oraz dowódca 25. Brygady Kawalerii Powietrznej płk Adam Marczak PAP/Tomasz Gzell

Польскай арміі не хапае генералаў, паведамляе газета Rzeczpospolita. Прэзыдэнт Польшчы Анджэй Дуда павысіў у званні пецярых высокапастаўленых афіцэраў: урачыстае ўручэнне пагонаў адбудзецца ў чацвер, 15 жніўня, у свята Войска Польскага. Трое афіцэраў – палкоўнікі, якія генеральскія пагоны атрымліваюць упершыню. Двое з афіцэраў атрымаюць чарговае генеральскае званне.

Паводле Міністэрства нацыянальнай абароны Польшчы, цяпер Войска Польскае налічвае 82 генералаў. У гэтым ліку таксама афіцэры, якія знаходзяцца ў кадравым рэзерве (пяць чалавек), служаць у структурах НАТА і Еўрасаюза (15 генералаў) і займаюць пасады вайсковых аташэ (двое афіцэраў). Такім чынам аказваецца, што непасрэдна ў войску служыць 60 генералаў. Газета паведамляе, што кар'ера палякаў у сілах НАТА – сапраўдны гонар. У якасці прыкладу Rzeczpospolita прыводзіць асобу генерала Пятра Блазэвуша, які нядаўна стаў намеснікам начальніка штаба галоўнага камандавання войск НАТА ў Еўропе.

Але з іншага боку, паведамляе выданне, мінусам з’яўляецца тое, што ў ліку польскіх генералаў няма ніводнай жанчыны, што ў краінах Захаду даўно з’яўляецца стандартам. Акрамя таго, на дадзены момант у Польшчы няма ані воднага афіцэра, гэтак званага чатырохзорачнага генерала: гэтае званне звычайна носіць начальнік штаба Ўзброеных сіл.

Увогуле, у Войску Польскім павінна служыць каля 120 генералаў. Чаму іх мала? Прычына – у палітыцы, паведамляе газета. Пасля таго, як міністрам абароны Польшчы стаў Антоні Мацярэвіч (які, дарэчы, ужо не займае пасады), які меў кепскія кантакты з военачальнікамі, у адстаўку падалі альбо былі адпраўленыя ў 2016 годзе 25 генералаў, а ў 2017 – 11. З-за недахопу генеральскіх кадраў многія генеральскія пасады займаюць палкоўнікі, паведамляе Rzeczpospolita.

вс

архіўны здымак