17 лістапада ў Беларусі адбудуцца выбары ў Палату прадстаўнікоў Нацыянальнага сходу. У Палаце прадстаўнікоў засядае 110 дэпутатаў, якія выбіраюцца ў аднамандатных выбарчых акругах на 4 гады.
Паводле Канстытуцыі, Нацыянальны сход прымае законы, дае згоду на прызначэнне прэм'ер-міністра, прызначае дату прэзідэнцкіх выбараў, выносіць вотум недаверу ўраду, можа адобрыць прамую адстаўку прэзідэнта і змяніць Канстытуцыю.
Уся гэтая вялікая ўлада на паперы, у беларускім парламенце ні разу не было нават дэпутацкай фракцыі. Беларускія дэпутаты маюць аднолькавыя погляды, пра што сведчаць вынікі галасавання – найчасцей адзінагалосна. Не было ніводнага супраціву па гучных законапраектах як дэкрэт аб тунеядцах ці папраўкі ў закон пра вайсковую службу.
На практыцы Палата прадстаўнікоў у Беларусі – гэта так званыя «ківацелі», то бок 110 маўклівых зацвярджальнікаў законаў, якія ім спускаюць зверху з прэзідэнцкай адміністрацыі, кажа эксперт Фонду Сапега Аляксандр Жучкоў.
Слухайце аўдыё
Размаўляў Юры Ліхтаровіч