X
Dear User,
On May 25, 2018, Regulation (EU) 2016/679 of the European Parliament and of the Council of April 27, 2016 (General Data Protection Regulation) came into force. We encourage you to familiarise yourself with information about the processing of personal data on the PolskieRadio.pl website.
1.The Data Administrator is Polish Radio S.A., based at 77/85 Niepodległości Ave., 00-977, Warsaw.
2.On issues regarding your data, please contact the Data Protection Officer, e-mail: iod@polskieradio.pl, tel. 22 645 34 03.
3.Personal data may be processed for marketing purposes based on consent.
4.Personal data may be shared solely for the purpose of proper implementation of services defined in the privacy policy.
5.Personal data will not be transferred outside the European Economic Area or to an international organisation.
6.Personal data will be stored for 5 years after an account is deactivated, in accordance with the law.
7.You have the right to access your personal data, correct it, to have it moved or deleted, or to limit its processing.
8.You have the right to object to further processing, and in the case of voicing consent to the processing of personal data, you have the right to withdraw your consent. The exercise of the right to withdraw consent does not affect any processing that has already taken place.
9.You have the right to lodge a complaint with the supervisory authority.
10.Polish Radio S.A. declares that no automated decisions are made when personal data is processed, and that profiling is not used.
For more information on this subject, please read our personal data and privacy policy.
I UNDERSTAND
Беларуская Служба

Беларусь не хоча інтэгравацца на расійскіх умовах

08.11.2019 16:12
Лістапад беларускае кіраўніцтва праводзіць у замежных паездках, шукаючы на гвалт падтрымкі ад ціску з боку Крамля.
Аўдыё
  • Застаўся месяц да інтэграцыі Беларусі з Расеяй
    .  .
Аляксандр Лукашэнка падчас замежнага візіту. Ілюстрацыйны здымак.Screen z www.youtube.com/

На днях Аляксандр Лукашэнка пабываў у Арабскіх Эміратах, неўзабаве збіраецца ў Аўстрыю. Актывізацыя візітаў супадае з набліжэннем заключэння пагаднення аб інтэграцыі з Расеяй. Афіцыйны Мінск, відаць, ня вельмі хоча падпісваць паразуменне з Масквой. Гэта можа мець для Беларусі сур'ёзныя наступствы.

Да падпісання дамовы аб паглыбленай інтэграцыі паміж Беларуссю ды Расіяй застаўся месяц. Падпісанне запланавана на 8-га снежня. 8-га лістапада ў Мінску збіраюцца разам прыхільнікі перамен да лепшага. Сустрэчу ладзіць блогер NEXTA сумесна з кандыдатамі ў дэпутаты, каб рашыць, што рабіць далей.

Аднак праз месяц можа і не быць чаго мяняць да лепшага, бо пад выглядам інтэграцыі адбудзецца патаемная інкарпарацыя Беларусі Расіяй. Такой думкі прытрымліваюцца прыхільнікі ініцыятывы «Свежы вецер», якія заклікаюць змагацца за незалежнасць. Пра гэта неаднаразова казаў адзін з ініцыятараў, філосаф Уладзімір Мацкевіч.

- Глядзіце, як Расія цісне на Лукашэнку. Падатковы манеўр закранае нафту, газ, што было галоўнай крыніцай фармавання бюджэту ды пазабюджэтнага фонду Лукашэнкі ў Беларусі. Крэмль абрубіў яму магчымасці карыстацца спрыяльнай эканамічнай сітуацыяй, на чым беларускі рэжым доўгі час трымаўся. Лукашэнка папрасіў адразу новыя зніжкі, бо ён не здольны мець з гэтага прыбытак, але і не можа падтрымліваць сацыяльны кантракт. Ціск працягваецца і неўзабаве дойдзе да такога моманту, калі ў Лукашэнкі не будзе больш сродкаў, каб адбівацца ад гэтага. Тым больш, што Пуцін можа пайсці на крайнія меры, калі ён апантаны.

Ёсць яшчэ і такое меркаванне, што ніякай інтэграцыі не будзе. Крэмль не мае рэсурсаў, каб змусіць Лукашэнку аддаць уладу, перакананы палітолаг Андрэй Ляховіч.

- На маю думку, Лукашэнка не пойдзе на саступкі ў справе паглыблення інтэграцыі. Занадта часта гучалі заявы з беларускага боку пра тое, што Беларусь не пойдзе на стварэнне наднацыянальных структур у рамках Саюзнай дзяржавы, не будзе абʼядноўваць грашовыя сістэмы, не будзе агульнай мытні. Рэальнага напаўнення Саюзная дзяржава так і не мае.

Расійскае кіраўніцтва пагражае пазбавіць Беларусь энергетычных ды гандлёвых пераваг, калі Мінск адмовіцца ад інтэграцыі. Страта гэтых пераваг можа ўскладніць пераабранне Лукашэнкі ў будучым годзе?

- Расія не можа спыніць пастаўкі газу і нафты праз Беларусь, бо гэта 40 мільярдаў м3 газу і 50 мільёнаў тон нафты. Накіраваць такі абʼём праз парты Расія не мае такой магчымасці. Расіяне набываюць беларускія тавары не па палітычных прычынах, а ў звязку з іх цаной ды якасцю. Не трэба перабольшваць магчымасці ціску Расіі на Беларусь. Зразумела, што Пуцін хацеў бы больш ад Лукашэнкі, але той забяспечвае яму мінімум расійскіх інтарэсаў. Ідзецца пра неўступленне Беларусі ў заходні блок, удзел у важных для Крамля геапалітычных праектах на постсавецкай прасторы.

У Беларусі вялікія сімпатыі да Расіі сярод грамадства, яшчэ большыя сярод наменклатуры ды сілавікоў. У такіх умовах Крэмль можа спакойна зладзіць «крымскі сцэнар» Лукашэнку?

- Беларускае насельніцтва за незалежнасць. Сілавікі, вядома, прарасейскія, і з «зялёнымі чалавечкамі» ваяваць не будуць. Аднак, добраахвотна, без ваеннага сцэнара, ніхто не падтрымлівае ўваходжання ў склад Расіі. Паводле сацыялагічных апытанняў, гэта некалькі адсоткаў насельніцтва. Да таго ж, Расія - не Савецкі Саюз, не мае столькі рэсурсаў, каб захапіць Беларусь. Асабліва ва ўмовах заходніх санкцый.

Застаецца месяц да падпісання новай інтэграцыйнай дамовы паміж Беларуссю ды Расіяй. У Мінску эксперты ды грамадскія актывісты непакояцца, што можа адбыцца аншлюс Беларусі расійскімі ўладамі. Пры гэтым, ёсць і скепсіс, што да здольнасці Крамля рэалізаваць такі сцэнар. У Расіі абмежаваныя рэсурсы.

Юры Ліхтаровіч