X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

У Эстоніі абмяркоўвалі перспектывы фонду «Трох мораў»

19.10.2020 14:02
Пакуль фонд налічвае 560 мільёнаў еўра, а патрэбы ў тысячу разоў большыя.
Здымак мае ілюстрацыйны характарKPRP/Igor Smirnow

Тэму асвятляе штодзёнка «Dziennik Gazeta Prawna».

У Таліне праходзіць саміт ініцыятывы «Трох мораў» (3SI), але з-за пандэміі ў значнай ступені ён мае віртуальны характар. У сталіцу Эстоніі асабіста завіталі прэзідэнт Балгарыі Румэн Радзеў і Анджэй Дуда. Іншыя госці, у тым ліку прэзідэнт Германіі Франк-Вальтэр Штайнмаер, дзяржсакратар ЗША Майк Пампеа і намеснік кіраўніка ЕК Маргрэта Вестагер прымуць удзел у анлайн-сустрэчах.

Каб ініцыятыва прынесла плён для рэгіёну, павінны пайсці інвестыцыі праз фонд, – цытуе словы прэзідэнта Эстоніі Керсці Кальюлайд польскае выданне. Эстонія далучылася да ініцыятывы ў красавіку, дадаўшы ў фонд 20 мільёнаў еўра. Потым тое ж зрабіла і Латвія.

Цяпер эстонскае кіраўніцтва разлічвае на ўдзел іншых краін з рэгіёну Трох мораў і ЗША, але перш за ўсё прыватных інвестараў. Таксама Эстоніі хоча развіваць інвестыцыі ў стварэнне разумных сетак у энергетычным і транспартным сектарах, піша выданне. Да гэтага часу было пададзена на разгляд у фонд 82 праекты, з якіх каля 30 былі адхілены як неадпаведныя, а 50 прыняты да разгляду.

Аднак па-ранейшаму галоўнай праблемай застаецца невялікі памер фонду. На дадзены момант у фондзе сабрана 560 мільёнаў еўра, тады як агульны маштаб інвестыцыйных патрэб у інфраструктуру ацэньваецца ў 600 мільярдаў еўра.

У Польшчы эксперты спадзяюцца, што памеры фонду павялічацца. Прыватныя інвестары далучацца, калі ўбачаць першыя праекты. Справа ў тым, што ў Цэнтральнаеўрапейскім рэгіёне назіраецца адзін з самых высокіх тэмпаў росту эканомікі ў свеце, – піша выданне. Гаворыцца, што фонд зможа мабілізаваць патэнцыйна каля 100 мільярдаў Еўра.

У лютым ЗША паабяцалі ўкласці ў фонд мільярд долараў. Выданне зазначае, што падчас саміту амерыканцы могуць прадставіць канкрэтныя дэталі свайго ўдзелу.

ю