Камітэт Дзяржаўнай бяспекі Беларусі і Федэральная служба бяспекі Расіі заявілі, што нібыта прадухілілі замах на Аляксандра Лукашэнку.
У сувязі з меркаваным замахам, у Маскве былі затрыманыя і прывезеныя ў Беларусь палітолаг Аляксандр Фядута і адвакат Юрый Зянковіч. У Шклове затрымалі кіраўніка Партыі БНФ Рыгора Кастусёва. У справу быццам бы замешаныя таксама іншыя асобы, якія знаходзяцца за мяжой. У Беларусі ўпершыню распачалі крымінальную справу аб спробе захопу ўлады.
На думку палітолага Паўла Усава, адна з мэтаў сенсацыйнага паведамлення аб падрыхтоўцы замаху – абгрунтаваць неабходнасць інтэграцыі Беларусі і Расіі.
слухайце аўдыё