Тэму асвятляе штодзёнка «Dziennik Gazeta Prawna».
Расійская армія правяла практычную стральбу на палігоне «Апук» на анексаваным Крыме з удзелам экіпажаў супраць карабельных ракетных комплексаў «Бастыён», паведаміла прэс-служба Міністэрства абароны ў Маскве.
Экіпажы адпрацоўвалі задачы ў галіне выяўлення і знішчэння навучальных марскіх цэляў, - гаворыцца ў заяве міністэрства. Падчас вучэнняў выкарыстоўваліся беспілотнікі.
На ўзбраенні расійскай арміі ракетны комплекс «Бастыён» знаходзіцца з 2010 года. Яго задача - знішчыць дэсантныя караблі, авіяносцы ды іншыя цэлі ва ўмовах моцнага агню і радыёэлектронных аперацый праціўніка. Баявы камплект комплексу сягае 36 ракет. Далёкасць палёту ракеты складае больш за 300 кіламетраў.
У сераду ва Украіне пачаліся шматнацыянальныя стратэгічныя камандна-штабныя манеўры United Efforts 2021 з удзелам каля 12,5 тысяч вайскоўцаў з 15 краін, у тым ліку 11 краін НАТА.
Гэтыя манеўры праходзяць на ўсіх буйных украінскіх палігонах, а таксама ў басейнах Чорнага і Азоўскага мораў. Вучэнні будуць доўжыцца да 30 верасня.
Да 1 кастрычніка таксама працягнуцца шматнацыянальныя манеўры Rapid Trident 2021 з удзелам каля 6 тысяч жаўнераў.
юл