З Беларусі надыходзяць паведамленні, што Лукашэнка рыхтуецца далучыцца. Пуціну патрэбны беларусы ў якасці гарматнага мяса, кажуць эксперты.
У нядзелю Лукашэнка пацвердзіў, што з тэрыторыі Беларусі запускаліся ракеты па Украіне. Лукашэнка заявіў, што расіяне запусцілі дзве ракеты з Беларусі ў адказ на разгортванне ўкраінскіх ракетных дывізіёнаў. Дыктатар назваў гэта «вымушаным крокам». Пры гэтым узурпатар адмаўляе, што беларускія вайскоўцы і ўзбраенне ўдзельнічаюць у вайне ва Украіне. Таксама Лукашэнка заявіў, што спрабуе арганізаваць перамовы паміж Масквой ды Кіевам у Гомелі.
Са свайго боку ТМ-канал Беларускі Гаюн некалькі разоў паведамляў, што ў Брэсце грузіцца на летакі 38 асобная гвардзейская дэсантна-штурмавая брыгада, вылет беларускага дэсанту ва Украіну меўся адбыцца а 5 над раніцай. Пакуль гэтага не сталася. З розных бакоў да беларусаў пачалі звяртацца з залікамі не ісці на вайну, не выконваць злачынныя загады!
Палітолаг Павал Усаў баіцца, што Лукашэнка ўжо нічога не вырашае ў Беларусі. Цяжкасці Пуціна ва Украіне вымушаюць яго ціснуць на Лукашэнку, каб той адправіў беларусаў ва Украіну.
Размаўляў Юры Ліхтаровіч
Слухайце аўдыёфайл