Гэта пацвярджае гісторыя Людмілы Ачарэтнай, былой жонкі Уладзіміра Пуціна. Нягледзячы на тое, што прэзідэнцкая пара афіцыйна рассталася амаль дзесяць гадоў таму, былая першая лэдзі Расіі і яе цяперашні муж працягваюць атрымліваць велізарныя прыбыткі ад цесных повязяў з Крамлём. Калегі апазіцыянера Аляксея Навальнага не сумняваюцца – Уладзімір Пуцін дорага плаціць былой жонцы за яе маўчанне.
Паводле нядаўняга расследавання Фонду барацьбы з карупцыяй, арганізацыі, створанай Навальным, мільёны рублёў ад мэрыі Масквы, Газпрамбанка і іншых дзяржаўных кампаній рэгулярна папаўняюць рахункі Ачарэтнай. Былая жонка Уладзіміра Пуціна таксама мае кватэры і дачы, у т.л. у Іспаніі, Францыі і Швейцарыі. Гэта дзіўна, тым больш, што незалежныя СМІ неўзабаве пасля афіцыйна пацверджанага ў 2013 годзе разводу Пуціных паведамілі, што расейскі прэзідэнт «нічога не пакінуў Людміле», прынамсі такія высновы можна было зрабіць, прааналізаваўшы яго гадавую падатковую дэкларацыю. Агульная зямля, і кватэры належалі Уладзіміру, а Людміла за час шлюбу мала зарабляла і толькі дзякуючы ўкладам.
Нягледзячы на тое, што Людміла Пуціна ў 2015 годзе выйшла замуж другі раз за мужчыну на 20 гадоў маладзейшага за яе, расійскі прэзідэнт праявіў шчодрасць. Арцём Ачарэтны бесперапынна з 2010 года займае пасаду дырэктара дзяржаўнага Цэнтра развіцця міжасобавых зносін, які фінансуецца ўладамі і алігархамі з блізкага атачэння Пуціна. Сярод галоўных спонсараў – Газпрамбанк, мэрыя Масквы і «Северсталь», адзін з найбуйнейшых у Расеі вытворцаў сталі, піша выданне.
юл