X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Белстат заклікае не даваць звестак па тэлефоне падчас перапісу

11.09.2019 18:23
Перапіс насельніцтва ў Беларусі пройдзе з 4 па 30 кастрычніка бягучага года.
Zdjęcie ilustracyjne
Zdjęcie ilustracyjneshutterstock.com/BABAROGA

Перапіс насельніцтва па тэлефоне праводзіцца не будзе, заявіла старшыня Нацыянальнага статыстычнага камітэта Іна Мядзведзева на прэс-канферэнцыі ў Мінску. Пра гэта паведамляе Радыё «Рацыя» са спасылкай на БелаПАН.

«Хачу папярэдзіць усіх. Ні ў якім разе не давайце інфармацыю па тэлефоне», – сказала яна. Мядзведзева адзначыла, што ў 2017 годзе, калі праводзіўся пробны перапіс насельніцтва, невядомыя званілі і спрабавалі атрымаць у грамадзян персанальную інфармацыю. «Белстат па тэлефоне перапіс насельніцтва не праводзіць», – падкрэсліла Мядзведзева. Тым, хто тэлефануе і прапаноўвае прайсці перапіс насельніцтва, дадала яна, адказваць не варта, каб потым персанальныя дадзеныя не патрапілі ў рукі нядобрасумленных грамадзян. «Яны потым прапаноўваюць то крэдыт узяць, то мабільны тэлефон купіць», – патлумачыла Мядзведзева.

Яна паведаміла, што грамадзяне могуць прыняць удзел у перапісе насельніцтва трыма спосабамі: шляхам удзелу ў інтэрнэт-перапісе, з дапамогай наведвання стацыянарнага ўчастка або прыняўшы перапісчыкаў дома.
Кіраўнік Белстата таксама расказала, як адрозніць сапраўдных перапісчыкаў ад махляроў. «Пры сабе перапісчык павінен абавязкова мець пасведчанне, планшэт і сумку з лагатыпам перапісу, – сказала Мядзведзева. – Калі прыходзіць перапісчык, абавязкова трэба запатрабаваць пашпарт і зверыць пасведчанне з пашпартам. Калі ўсё ж такі вы сумняваецеся, вы можаце патэлефанаваць у наш кол-цэнтр і ўдакладніць дадзеныя аб перапісчыку».

Паводле яе слоў, у выпадку ўзнікнення інцыдэнтаў будуць прыцягвацца органы ўнутраных спраў.
«Яны вядуць працу аб папярэджанні дзейнасці лжэперапісчыкаў і разам з намі будуць гэтыя факты адсочваць», – дадала Мядзведзева.

Перапіс насельніцтва ў Беларусі пройдзе з 4 па 30 кастрычніка. Гэта будзе трэці перапіс з моманту атрымання Беларуссю незалежнасці (папярэднія праводзіліся ў 1999 і 2009 гадах).

вс