Стартуе новы цыкл лекцый і тэлепраграм «Віцебск: рэальная і папулярная гісторыя», як паведамляе «Звязда» са спасылкай на БЕЛТА.
У канферэнц-зале Віцебскай абласной бібліятэкі імя Леніна 26 верасня ў 18.00 адбудзецца першая публічная лекцыя чацвёртага сезона «Мой Радавод. Як шукаць сваіх продкаў».
Лекцыі будуць праходзіць у бібліятэцы кожны другі і чацвёрты чацвер месяца. Іх відэаверсіі будуць размяшчаць на сайце абласной бібліятэкі.
Акрамя таго, з кастрычніка гледачы тэлеканала «Віцебск» змогуць глядзець свежыя выпускі пра гісторыю горада на Дзвіне. Праграма з удзелам гісторыкаў і краязнаўцаў будзе выходзіць у эфір кожны першы і трэці чацвер месяца.
вс/аев