Беларуская Служба

Баку і Мінск спрабуюць дамовіцца пра пастаўкі нафты

23.01.2020 09:36
Паводле першага віцэ-прэм’ера Дзмітрыя Крутога, Беларусь вядзе перамовы пра пастаўкі нафты з Украінай, Польшчай, краінамі Балтыі ды Казахстанам.
Ropa na giełdzie w Nowym Jorku tanieje.
Ropa na giełdzie w Nowym Jorku tanieje.QiuJu Song/Shutterstock.com

Баку і Мінск абмяркоўваюць выкарыстанне нафтаправоду Адэса-Броды для пастаўкі нафты ў Беларусь, перадае Белсат. 

Пра гэта заявіў афіцыйны прадстаўнік азербайджанскай кампаніі (SOCAR) Ібрагім Ахмедаў.

«Выкарыстанне нафтаправоду Адэса-Броды абмяркоўваецца як адна з магчымых опцыяў», – цытуе ria.ru прадстаўніка SOCAR.

Раней Ібрагім Ахмедаў пацвярджаў, што тэхнічныя магчымасці для такіх паставак сапраўды ёсць. Каб прывезці нафту ў Беларусь, яе спачатку трэба даставіць нафтаправодам на ўзбярэжжа Грузіі, затым танкерам – у Адэсу. А адтуль па чыгунцы або трубаправодам – на беларускія НПЗ. Але ёсць і іншыя схемы.

Паводле першага віцэ-прэм’ера Дзмітрыя Крутога, Беларусь вядзе перамовы пра пастаўкі нафты з Украінай, Польшчай, краінамі Балтыі ды Казахстанам.

З 1 студзеня 2020 года Расея спыніла пастаўкі нафты ў нашу краіну, паколькі мінулагодняя дамова закончылася, а новую так і не падпісалі.

эж