«Белкніга» апублікавала топ-5 кніг, якія найбольш прадаваліся на стэндзе кампаніі падчас кніжнай выставы ў Мінску. Першае месца заняў раман Віктара Марціновіча «Мова», перадае тэлеканал Белсат.
Паводле «Белкніга», раман Віктара Марціновіча «Мова» – сапраўдная беларуская антыўтопія. Першы тыраж у 1000 асобнікаў разышоўся ўсяго за два тыдні. Акрамя таго кніга Віктара Марціновіча ўвайшла таксама ў ТОП-10 самых прадаваных кніг году.
Паводле кампаніі на яе стэндзе карысталіся попытам кнігі «Каханак вялікай мядзведзіцы» Сяргея Пясецкага, «Серьга Артемиды» Тацяны Усцінавай, «Время секонд-хэнд» Святланы Алексіевіч, «Каласы пад сярпом тваім» Уладзімера Караткевіча і «Маленькі прынц» Антуана дэ Сэнт-Экзюперы.
эж