Беларускія спецыялісты гатовы дапамагчы Расатаму ва ўзвядзенні двух блокаў вугорскай АЭС. Пра гэта паведаміў намеснік міністра энергетыкі Беларусі Міхаіл Міхадзюк. Паводле яго слоў, будаўнікі атрымалі каласальны вопыт, узводзячы БелАЭС у Астраўцы. У Вугоршчыне паабяцалі абмеркаваць гэтае пытанне падчас перамоваў, якія адбудуцца напрыканцы сакавіка 2020 года ў Беларусі, перадае Агенцтва Мінск-Навіны.
Напярэдадні кіраўнік Беларусі Аляксандр Лукашэнка сустрэўся з губернатарам Архангельскай вобласці Ігарам Арловым. Ён сказаў, што кампанія Расатам задаволена працай беларускіх спецыялістаў і, можа быць, яны неўзабаве адправяцца дапамагаць егіпецкім калегам у будаўніцтве чацвёртага блока АЭС «Эль-Дабаа».
На вугорскай АЭС Пакш ідзе будаўніцтва новых энергаблокаў № 5 і № 6 з рэактарнымі ўстаноўкамі паводле расійскага праекту ВВЭР-1200. Заказчык будаўніутва – вугорская кампанія Paks II Nuclear Power Plant.
эж