31 траўня раніцай на вуліцы Маякоўскага ў Менску людзі ў цывільным на мікрааўтобусе заблакавалі машыну жонкі Статкевіча Марыны Адамовіч.
«Мы ехалі з дому ў Лошыцы на Камароўку (там адбываюцца пікеты ў падтрымку альтэрнатыўных удзельнікаў прэзідэнцкай кампаніі – рэд.). На вуліцы Маякоўскага, парушаючы ўсе правілы дарожнага руху, мікрааўтобус перагарадзіў нам дарогу, прымусіў спыніцца. Людзі ў цывільным вырвалі з машыны ключ запальвання, выцягнулі Міколу і павезлі ў невядомым кірунку», – распавяла Свабодзе Марына Адамовіч.
Яна адправілася ў РУУС Ленінскага раёну і напісала заяву пра выкраданне Міколы Статкевіча.
На 31 траўня ў розных гарадах Беларусі на 12:00 анансавалі пікеты па збору подпісаў у падтрымку альтэрнатыўных удзельнікаў прэзідэнцкай кампаніі.
ІАР ПР/нг