У Віцебску пасля таемнай інаўгурацыі Лукашэнкі, абураныя людзі актыўна абмяркоўвалі ў чатах магчымасць выйсці на сённяшнюю акцыю пратэсту.
Людзі пачалі збірацца каля ГЦ «Марка – Сіті» у 18 гадзін. Да месца збору падагналі аўтазак і аўтобус з міліцыянтамі. Пратэстоўцы невялікімі групамі перайшлі на іншы бок вуліцы Леніна і пайшлі, мінаючы міліцыянтаў у бок плошчы Перамогі.
Людзі пляскалі ў далоні і скандавалі лозунгі. Абмінуўшы два міліцэйскіх заслона на плошчы Перамогі калона выйшла на Маскоўскі праспект. Сілавікі спрабавалі напасці на людзей, як мінімум, тры чалавекі былі затрыманы. А палове дзявятага вечара акцыя скончылася, людзі групамі знікалі ў дварах, каб пазбегнуць хапуноў.
Святаслаў Бруйко