Учора ў Медычным дзяржаўным універсітэце, было адлічана 20 студэнтаў. Выкладчыкі і супрацоўнікі Медуніверсітэту напісалі петыцыю супраць адлічэння студэнтаў. Сёння студэнты гэтай ВНУ апрануліся ў чорнае.
Тэлеграм-каналы паведамляюць, што з'явіліся загады на масавае адлічэнне студэнтаў Тэхнічнага універсітэта (БНТУ), Эканамічнага універсітэта (БДЭУ) і Універсітэта інфарматыкі і радыёэлектронікі (БДУІР). Студэнтаў выклікаюць на размову, а потым уручаюць загад аб адлічэнні.
У БНТУ разам з выпіскай аб азнаямленні з загадам на адлічэнне выдаюць позву ў ваенкамат.
Некаторыя кіраўнікі ВНУ не пагаджаюцца падпісваць загады аб адлічэнні студэнтаў, як прарэктар па вучэбнай рабоце Акадэміі мастацтваў Алена Бохан. Іншыя сыходзяць з працы па ўласным жаданні як дэкан факультэта кампʼютарных сістэм і сетак БДУІР Марына Лукашэвіч і прарэктар па вучэбнай рабоце гэтага ВНУ Валерый Прыткоў.
яс