Жыхары розных мікрараёнаў сталіцы, нягледзячы на мароз, з самой раніцы пачалі выходзяць на акцыі. Далучыліся і жыхары некаторых іншых гарадоў, у прыватнасці Барысава, Жодзіна, Наваградка.
У Брылевічах людзі выйшлі на балконы з бела-чырвона-белымі сцягамі і прачыталі верш Янкі Купалы.
Зраніцы таксама стала вядома, што за бел-чырвона-белы сцяг затрымалі інвестара, сузаснавальніка аб'яднання Angels BAND Belarus Валерыя Астрынскага. Яго жонка Таццяна Бакланава паведаміла, што яго затрымалі за сцяг, які вісеў у іх на хутары з лета.
- У пятніцу вечарам прыехалі з малымі на хутар на выходныя. У суботу ў 8 раніцы прыехала міліцыя. Паступіла скарга ад мясцовага жыхара (пару бабак-дзядок, ферма), яны павінны адрэагаваць, - напісала жонка ў Фэйсбуку.
Валеры Астрынскі ўваходзіць у топ-200 паспяховых і ўплывовых бізнесменаў Беларусі па версіі выдання «Ежедневник».
ав