19 студзеня мінскі святар абвясціў, што пачынае галадоўку салідарнасці з Ігарам Лосікам, адміністратарам тэлеграм-канала «Беларусь галаўнога мозгу», піша Tut.by. Лосік галадае ўжо больш за месяц — з 15 снежня 2020 года.
Галадоўку салідарнасці з палітвязнем Лосікам пачалі таксама дзве студэнткі Беларускага дзяржаўнага медыцынскага ўніверсітэта: Маргарыта Трафімовіч і Элеанора Арзуманян.
НАК звярнулася да прадстаўніцтваў ЕС, ЗША і Вялікабрытаніі з просьбай выратаваць жыццё Ігару Лосік. Гаворыць старшыня НАК Павал Латушка.
- Мы звяртаемся да Вас прадстаўнікі Еўрапейскага Звязу, ЗША, Вялікабрытаніі, ды просім выкарыстаць усе даступныя вам сродкі ўплыву, каб не даць памерці Ігару Лосіку.
Ігар Лосік знаходзіцца за кратамі з 25 чэрвеня — ужо 206 дзён. Праваабаронцы прызналі яго вязнем сумлення.
юл