Выйшлі жыхары многіх раёнаў Мінска, таксама Салігорска, Дзяржынска, Пружан, Оршы, Гродна, Бараўлян. У Вяснянцы правялі аўтапрабег у знак салідарнасці з Ігарам Лосікам і ўсімі палітвязнямі.
Беларусы ў Кіеве і Кракаве працягвалі падтрымку арыштаванага праваабаронцы з Гомеля, Леаніда Судаленкі.
Акцыі салідарнасці з народам Беларусі таксама прайшлі ў Варшаве, Беластоку, Гданьску,Сопаце, Торуні і Зялёнай Гуры.
Беларусы Санкт-Пецярбурга 169 дзень выйшлі на акцыю салідарнасці з вольнымі беларусамі.
Кропкавыя акцыі салідарнасці ў Віцебску, якія праходзілі ў розных частках гораду ў суботу, працягнуліся і ў нядзелю 24 студзеня.
Віцебск у чарговы раз паказвае, што раённыя акцыі – гэта добры спосаб выказаць сваю нязгоду з дзеяннямі ўлад, а дзякуючы сваёй нечаканасці і прамаце дзеяння, атрымоўваецца пазбягаць прамых сутыкненняў з сілавікамі. Медцэнтр і ДСК, Білева і Лучоса, раёны вуліц Церашковай і Петруся Броўкі – ўсе яны патрабавалі вызвалення палітвязняў. Таксама прагучалі словы падтрымкі жыхарам Расіі.
Для Беларускай службы Польскага радыё Святаслаў Бруйко, Віцебск