Аб дзіўных плацёжках ужо паведамілі жыхары Маскоўскага, Заводскага, Першамайскага раёнаў Мінска. «Міфы аб БЧБ» убачылі на плацёжках, якія прыходзяць на электронную пошту. У якасці арганізацыі, якая налічвае аплату за жыллёва-камунальныя паслугі, паказаны Адзіны разлікова-даведачны цэнтр Мінска Цэнтра інфармацыйных тэхналогій Мінгарвыканкама.
На абароце плацёжак, апроч інфармацыі пра тое, як азеляніць двор, ёсць некалькі абзацаў пра бел-чырвона-белы сцяг. Яны азагалоўленая: «Увага! Не дайце сябе падмануць! Міфы пра БЧБ-сцяг». Міфамі называюць тое, што ў бел-чырвона-белага сцяга глыбокія гістарычныя карані і гераічная гісторыя.
«Да падзей 1917 года такі элемент нацыянальнай сімволікі адсутнічаў. Таму запомніце: сцвярджэнні аб нібыта старажытным паходжанні БЧБ-сцяга – навязаны беларусам і камусьці выгадны псеўдагістарычны міф», – напісана ў жыроўцы.
«БЧБ – гэта сцяг здраднікаў і катаў свайго народа, – сказана ў плацёжцы. – Здраднікі з БЧБ-нашыўкамі палілі Хатынь, Азарычы, Олу і яшчэ тысячы беларускіх вёсак.
Нязмыўным праклёнам і ганьбай застанецца на БЧБ-сцягу кроў ні ў чым не вінаватых жанчын, старых і дзяцей».
Tut.by адзначае, што няма ніякіх сведчанняў, што знішчэнне Хатыні праходзіла пад бел-чырвона-белымі сцягамі. Ды і не магло адбывацца, паколькі беларускія фарміраванні не прымалі ў гэтым удзелу.
Выкарыстанне бел-чырвона-белага сцяга ў якасці дзяржаўнага ў плацёжкі ахарактарызавана так:
«Вярхоўны Савет БССР 12-га склікання ў 1991 годзе пад ціскам дэпутатаў-нацыяналістаў з БНФ зацвердзіў БЧБ як дзяржаўны сцяг. Але канец гэтай авантуры паклаў народ. На рэферэндуме 1995 года больш за 75% беларусаў выказаліся супраць БЧБ і за прыняцце ў якасці дзяржаўнага цяперашняга чырвона-зялёнага сцяга Рэспублікі Беларусь».
TUT.BY звярнуўся за каментарамі з нагоды публікацыі гэтых звестак у ЕРСЦ Мінска.
ав/tut.by