Пракуратура прааналізавала, а суд вынес прыгавор: інфармацыйная прадукцыя пабліка з лагатыпам «Гродна 97%» павінна называцца экстрэмісцкай.
Пракуратура кажа, што адміністрацыя канала не прадухіліла публікацыі заклікаў да блакіравання руху на аўтадарогах і чыгунцы, заклікаў да забастоўкі, мітынгаў і масавых беспарадкаў. Яшчэ пракуроры ўгледзелі заклікі да гвалту ў дачыненні да міліцыянераў.
Цяпер тэлеграм і матэрыялы з яго збіраюцца блакаваць.
Літаральна некалькі дзён таму МУС Беларусі паведаміла, што суд у Магілёве прызнаў экстрэмісцкімі рэгіянальныя тэлеграм-паблікі »Магілёў 97%», «Бабруйск 97%», «Асіповічы для жыцця» і «Бульвар няскораных». Склад злачынства ім сфармулявалі такі ж як і ў тэлеграм-канала з Гродна.
За публікацыю і рэпост інфармацыі з названых 5 каналаў могуць аштрафаваць альбо пасадзіць пад арышт.
Самае дзіўнае, што ўсе гэтыя захады ўлады робяць на тле пераконвання грамадскасці дзяржаўнымі СМІ, што пратэсты скончыліся. Чаго тады баяцца інфармацыі ў нейкіх там пабліках?
Казімір Шчадковіч, Мінск