Усё больш і больш паступае паведамленняў пра тое, што да жыхароў Віцебска прыходзяць прадстаўнікі кампаніі «Віцебсквідэасэрвіс» і настойліва просяць усталяваць камеры відэаназірання ў падʼездзе. Пры гэтым у кампаніі сцвярджаюць, што подпісы нібыта сабраны і амаль усе згодны, аднак подпісы не паказваюць, альбо паказваюць нібыта распараджэнне МУС, расказваюць у YouTube-канале «Навіны Віцебска». Пры гэтым кошт усталявання з адной кватэры складае 104 рублі, а штомесячная плата 4 рублі.
Нягледзячы на скаргі, «Віцебсквідэасэрвіс» адчувае сябе спакойна. Магчыма, гэта звязана з цеснай супрацай з віцебскай міліцыяй. І міліцыянты атрымаюць доступ да запісаў з камер відэаназірання.
Для Беларускай службы Польскага радыё Святаслаў Бруйко, Віцебск