Кіраўнік НАУ Павал Латушка і адказны за шматбаковую дыпламатыю Уладзімір Астапенка праводзяць дыпламатычную місію Бруселі.
Лідары пратэстнага беларускага руху імкнуцца прадставіць стратэгію на міжнародным накірунку:
- Стратэгія – гэта прызнанне Лукашэнкі міжнародным злачынцам, непрызнаванне яго і яго кіраўніцтва, пашырэнне санкцыяў. Нас хвалюе адсутнасць стратэгіі дзеяння з боку ЕЗ. Мы гэта хацелі б абмеркаваць у ходзе нашых сустрэч, - сказаў Латушка.
Латушка і Астапенка сустрэліся са спецыяльным прадстаўніком ЕЗ па правах чалавека.
Эйман Гілмар лічыць сваёй галоўнай задачай – трымаць у прыярытэце пытанне Беларусі ў міжнародным парадку і пастаянна падымаць тэму палітвязняў і катаванняў у дачыненні да беларусаў на ўсіх форумах ААН, ЕЗ і іншых міжнародных пляцовак.
Таксама палітык выступае за далейшыя санкцыі супраць рэжыму Лукашэнкі ў сувязі з бесперапыннымі рэпрэсіямі.
Асобна на сустрэчы было абмеркавана пытанне стварэння міжнародна-прававых механізмаў прыцягнення да адказнасці Лукашэнкі і прадстаўнікоў рэжыму за масавыя парушэнні правоў чалавека, у тым ліку разгледзець магчымасць выкарыстання інструментаў міжнароднага суда ad hoc па Беларусі.
яс