За восем месяцаў 2021-га беларуская эканоміка вырасла на 3% у гадавым вымярэнні. Гэта звязана з так званым экспартных бумам, то бок павелічэннем знешняга попыту на тавары і паслугі беларускіх прадпрыемстваў. Тлумачыць віцэ-прэзідэнт CASE-Belarus, саветнік Святланы Ціханоўскай па эканамічных пытаннях Алесь Аляхновіч.
- Па выніках васьмі месяцаў гэтага года экспарт вырас больш чым на 30%. Рост адбыўся не за кошт таго, што беларусы пачалі больш прадаваць, а за кошт павышэння цэн на вырабленыя ў Беларусі тавары, асабліва на сыравінных рынках.
За гэты ж час унутраны попыт скараціўся. Актуальнымі застаюцца структурныя праблемы беларускай эканомікі, з-за якіх за апошнія гады ВУП Беларусі вырас на 10%, тады як у свеце на 35%, зазначыла акадэмічны дырэктар BEROC Кацярына Барнукова.
- Мы не зрабілі нічога, каб вырашыць структурныя праблемы, нягледзячы на тое, што іх разумеюць і бачаць не толькі незалежныя эканамісты і міжнародныя арганізацыі, але і прапісваецца ў дзяржаўных праграмах, толькі яны не выконваюцца.
У сярэднетэрміновай перспектыве эканамісты чакаюць скарачэння «экспартнага цуду». У бліжэйшыя гады эканамічны рост не перавысіць у сярэднім 1-2% у год. З-за праблем, якія з'явіліся пасля падзей 2020 года, ВУП можа страціць яшчэ 0,5-1% патэнцыйнага доўгатэрміновага росту.
юл