Запарожская вобласць разрывае адносіны з Беларуссю. У прыватнасці, разрываецца пагадненне 2018 года, заключанае паміж адміністрацыяй вобласці і Магілёўскім, Мінскім, Гомельскім, Гродзенскім і Брэсцкім абласнымі выканаўчымі камітэтамі, а таксама Гомельскім гарвыканкамам, распавялі ў адміністрацыі Запарожскай вобласці, reform.by.
Па даручэнні Кіраўніка Адміністрацыі Запарожскай вобласці Аляксандра Старуха, падрыхтаваны дакументы аб спыненні ўсіх гандлёва-эканамічных, навукова-тэхнічных і культурных сувязяў. Акрамя таго, разарвана пагадненне 1993 года аб эканамічным супрацоўніцтве паміж Запарожскай вобласцю і беларускімі тэрыторыямі.
«Беларусам магу параіць толькі адно: бяжыце ад Расеі далей. Таму мы без лішніх ваганняў разрываем усе гэтыя пагадненні аб супрацоўніцтве, масава заключаныя папярэдняй уладай», – заявіў Аляксандр Старух.
эж