Раніцай 18 траўня КДБ затрымаў дырэктара газеты «Беларусы і рынак» Канстанціна Залатых і бухгалтара выдання Юлію Кахно. З галоўным рэдактарам тыднёвіка Андрэем Александровічам няма сувязі, паведамляе «Еўрарадыё».
Па словах жонкі Залатых, яму інкрымінуюць артыкул 130 КК Беларусі – «Распальванне нацыянальнай варажнечы». У яго канфіскаваныя ноўтбук і сродкі сувязі. Прыкладна гадзіну таму дырэктар выдавецтва ў суправаджэнні траіх следчых зайшоў у рэдакцыю выдання.
«Беларусы і рынак» – бадай што апошняе незалежнае выданне, якое працуе ў Беларусі. Гэта прэстыжная газета, з большага прысвечаная эканоміцы.
вс