Галоўнае ўпраўленне разведкі Міністэрства абароны Украіны сцвярджае, што Расія плануе павялічыць колькасць сваёй авіяцыі на тэрыторыі Беларусі і вярнуць на Гомельшчыну падраздзяленні сухапутных войскаў, паведамляе belsat.eu.
«Расія павялічвае вайсковую прысутнасць у Беларусі. Кіраўніцтва ўстановаў і арганізацыяў Гомельскай вобласці папярэдзілі пра верагоднасць вяртання падраздзяленняў Узброеных Сілаў Расіі. Адначасова расяяне плануюць нарасціць колькасць аператыўна-тактычнай авіяцыі ў Беларусі», – паведамляе ўкраінская выведка.
Паводле ГУР, павелічэнне авіяцыйнай групоўкі будзе адбывацца пад выглядам супольнага патрулявання паветранай прасторы. Запланаваны пералёт 10 самалётаў на аэрадром Баранавічаў.
Пацверджання гэтай інфармацыі з іншых крыніцаў пакуль няма. Нагадаем, у апошнія дні аднавіліся ракетныя ўдары па Украіне з тэрыторыі Беларусі.
эж