Расія можа атакаваць іншыя краіны, у тым ліку членаў НАТА, перасцярог Уладзімір Зяленскі ў сваім звароце да ўдзельнікаў саміту Паўночнаатлантычнага альянсу ў Мадрыдзе. Паводле ўкраінскага прэзідэнта, такім чынам можа адбыцца, калі дзеянні Крамля не будуць спыненыя. Паводле яго, Расія хоча заняволіць кожную суседнюю дзяржаву і кожную іншую дзяржаву, якая калісьці была пад уплывам Масквы:
- Так званая другая армія свету не хоча спыняцца на Данбасе. Яна хоча захапіць усё, горад за горадам. Усё ў нас, а потым усё ў Еўропе; усё, што расійскае кіраўніцтва лічыць сваімі, а не незалежнымі дзяржавамі. Пытанне – хто будзе наступным. Малдова? Краіны Балтыі? Польшча? Адказ – усе.
Уладзімір Зяленскі падкрэсліў, што для таго, каб спыніць Расію, Украіну трэба падтрымліваць, у тым ліку, зброяй:
- Украіне патрэбна сучасная супрацьпаветраная і супрацьракетная абарона. У вас такія сістэмы ёсць. Перадаўшы іх нам, вы можаце цалкам зламаць тактыку Расіі, накіраваную на разбурэнне гарадоў і запалохванне мірнага насельніцтва Украіны. Мы ўжо атрымалі сучасныя артылерыйскія сістэмы, але вайна яшчэ ідзе і такой артылерыі трэба больш.
Украінскі прэзідэнт таксама адзначыў што, Расія кожны дзень зарабляе мільярды і накіроўвае іх на вайну. Тым часам Украіне, дадаў ён, трэба 5 мільярдаў долараў у месяц на абарону.
IAR/аз