Латышы разабралі пешаходны мост на латвійска-беларускай мяжы. Ён вёў да помніка, усталяванага там яшчэ ў часы Савецкага Саюза. СМІ ў Латвіі адзначаюць, што дэмантаж моста выклікаў зацікаўленасць беларускай прапаганды. Тэму працягвае карэспандэнт Польскага радыё Каміль Залеўскі:
- Мост вёў да латышска-руска-беларускага помніка «Курган дружбы». Ён быў пабудаваны ў 1959 годзе на стыку межаў тагачасных савецкіх рэспублік Латвіі, Беларусі і Расіі як сімвал дружбы паміж трыма народамі. Прадстаўнік латвійскай Памежнай службы патлумачыў, што мост перашкаджае будаўніцтву інфраструктуры на латвійска-беларускай мяжы. Акрамя таго, яго таксама выкарыстоўвалі нелегальныя мігранты. Латышы паведамілі, што інфармацыю пра знос аб'екта перадалі беларусам. Прапанова Рыгі прыняць удзел у дэмантажы маста не сустрэла зацікаўленасці з боку ўладаў у Мінску. Аднак падчас згаданых работаў латвійскія службы бачылі некалькі чалавек з беларускага боку, якія здымалі дэмантаж. Гэтыя матэрыялы былі выкарыстаныя рэжымнымі СМІ Беларусі, якія давалі зарэгістраваным кадрам прапагандысцкія каментары.
Латвійская частка «Кургана дружбы» была дэмантаваная ў кастрычніку. Ён быў у дзяржаўным спісе абʼектаў, якія падлягаюць ліквідацыі. Летам улады Латвіі вырашылі прыбраць помнікі, якія ўслаўляюць таталітарныя рэжымы – савецкі і нацысцкі.
IAR/аз