Асуджанага завуць Максім Зязюльчык, ён ураджэнец Рудзенску Пухавіцкага раёна. Паведамляецца, што з ліпеня 2022 года ён ваяваў у складзе прыватнай ваеннай кампаніі «Рэдут», быў кулямётчыкам.
Паводле кантракту, ён мусіў атрымліваць 3 600 долараў у месяц.
Зязюльчык трапіў у палон летась у верасні падчас вызвалення УСУ Ліманскага раёна Данецкай вобласці.
На судовым пасяджэнні беларус заявіў, што прызнае сваю віну і шкадуе аб здзейсненых учынках.
Згодна з прысудам, акрамя 10-гадовага зняволення, Зязюльчык мусіць кампенсаваць 1372 грыўны (амаль 35 долараў), якія спатрэбіліся пры прывядзенні судовых экспертыз.
svaboda.org / вх