Абраны лідар Беларусі Святлана Ціханоўская знаходзіцца з візітам у Даніі, дзе атрымала прэмію Парламенцкай асамблеі НАТА «Жанчыны – за мір і бяспеку». Прэмію яна прысвяціла ўсім беларускім жанчынам.
Падчас выступлення на цырымоніі ўручэння ў Капенгагене Святлана Ціханоўская сказала, што не можа не думаць пра ізраільскіх мужчын і жанчын, узятых у закладнікі тэрарыстамі. Яна выказала спадзяванне, што ўсе захопленыя людзі паспяхова вернуцца дадому.
Падчас візіту ў Данію Святлана Ціханоўская сустрэлася з наследным прынцам Даніі Фрэдэрыкам. Яна расказала прынцу пра актуальную сітуацыю ў Беларусі і падкрэсліла, што беларусы не здаліся і бачаць сваю краіну дэмакратычнай і еўрапейскай.
Палітык таксама правяла сустрэчу з беларусамі, якія пражываюць у гэтай скандынаўскай краіне. Яна падзякавала ім за падтрымку Беларусі за мяжой і працу на карысць радзімы.
вс