У Наваполацкім цэнтры ізаляцыі правапарушальнікаў Андрэй знаходзіцца з 15 чэрвеня. Першыя 15 сутак Андрэю Галавырыну прысудзілі за так званы несанкцыянаваны пікет – за жоўта-блакітны сцяг на аватарцы ў сацсетках.
Наступныя два арышты былі прысуджаныя, як стала вядома праваабаронцам, нават не за рэпосты, а толькі за падпіску на «экстрэмісцкія» інфармацыйныя рэсурсы. Паводле сваякоў, за кратамі актывіст перанёс гіпертанічны крыз, але гэта не паўплывала на рашэнні суддзі, якая чатыры разы запар судзіла Галавырына.
Для Беларускай службы Польскага радыё Святаслаў Бруйко, Віцебск