Цэны на спажывецкія тавары і паслугі ў чэрвені ў параўнанні з мінулым годам выраслі на 2,6 працэнта, паведаміла Галоўнае статыстычнае ўпраўленне Польшчы.
Апублікаваныя дадзеныя азначаюць, што гадавая дынаміка інфляцыі ў чэрвені перавысіла планаваны паказчык Нацыянальнага банка Польшчы, які ўстаноўлены на ўзроўні 2,5 працэнта. Галоўны эканаміст банка PKO BP Пётр Буяк тлумачыць, што гэта звязана з павышэннем коштаў харчавання і з дынамічным ростам эканомікі.
П.Буяк: Рост інфляцыі ў чэрвені ўпершыню за 7 гадоў перакрочыў запланаваны ўзровень інфляцыі. Гэта звязана з двума фактарамі: па-першае, гэта ваганні на харчовым рынку ў глабальным маштабе і ўнутры краіны. Сярод унутраных фактараў трэба зазначыць засуху ці замаразкі. У выніку назіраецца дынаміка росту коштаў харчавання, якая перавысіла 5% цягам году. А другі фактар - гэта стан польскай эканомікі: вялікі попыт на тавары і хуткі рост зарплат.
Пётр Буяк адзначае, што ў бліжэйшыя месяцы кошты будуць павялічвацца, пасля чаго рост цэн запаволіцца.
П.Буяк: У надыходзячых месяцах рост коштаў ежы павінен спыніцца. У выніку інфляцыя будзе змяншацца, і ў кастрычніку-лістападзе павінна быць ніжэй за запланаваны паказчык інфляцыі. На пераломе гэтага і наступнага году палякаў чакае чарговы рост інфляцыі.
Галоўнае статыстычнае ўпраўленне паведаміла, што ў параўнанні з траўнем інфляцыя ў чэрвені склала 0,3 адсотка.
Эфірны выпуск перадачы "Пульс польскай эканомікі" ў далучаным гукавым файле
яс