„Паміраць ішлі ўсе” – пад гэткім лозунгам сёння ў 77-ю гадавіну пачатку ліквідацыі Варшаўскага гета вуліцамі Варшавы пройдзе Марш памяці.
Нагадаем, 22 ліпеня 1942 года немцы пачалі дэпартаваць жыхароў Варшаўскага гета ў канцлагер „Трэблінка”.
„Мы хочам памятаць не толькі герояў, паўстанцаў, але і простых людзей”, - кажа Катажына Пэрсан (Katarzyna Person) з Габрэйскага гістарычнага інстытута.
Катажына Пэрсан: Гэта былі людзі, якія паміралі без імёнаў і прозвішчаў. Іх прозьвішчаў не ўносілі ў ніякія спісы падчас вывазкі з гета. Гэта не адбывалася таксама пасля іх прыбыцця ў канцлагер „Трэблінка”. Яны ішлі прама на смерць. Да гэтай пары мы няшмат ведаем пра іх лёс. Таму, ідучы вуліцамі Варшавы, мы стараемся вярнуць памяць пра іх у горадзе.
Марш памяці 22 ліпеня арганізоўвае Габрэйскі гістарычны інстытут імя Эмануіла Рынгельблюма. Ён прысвечаны памяці самай вялікай габрэйскай абшчыны даваеннай Еўропы.
Марш пачнецца ў 18:00 перад помнікам „Умшлагплац” на вуліцы Стаўкі, а скончыцца на вуліцы Валіцаў.
Нагадаем, цягам двух з паловай месяца нямецкія акупанты забілі больш за 300 тысяч варшаўскіх габрэяў. У гета засталося толькі каля сарака тысяч чалавек.
аз