У Варшаве дамову падпісалі міністр марской гаспадаркі і рачнога флоту Марэк Грубарчык і міністр інфраструктуры і развіцця ААЭ Абдула аль-Нуаімі.
Марэк Грубарчык пераконваў, што гэта гістарычны момант:
- Велізарныя інвестыцыі, якія мы плануем у сферы партоў у Гданьску, Гдыні, партоў у Шчэціне ці Свінавуйсці, а таксама іншых – гэта вельмі важны элемент у супрацы, пошуку супрацы і міжнароднай кааперацыі. Свае прапановы мы скіроўваем таксама да Аб’яднаных Эміратаў.
Дамова паміж урадамі Польшчы і ААЭ ўтрымлівае запісы аб свабодзе суднаходства, спрашчэннях у марскім транспарце, прыспяшэнні мытных фармальнасцяў. Дамова дазваляе ствараць прадстаўніцтвы і гандлёвыя аддзелы суднаходных прадпрыемстваў, узаемна прызнаваць дакументы суднаў, а таксама гарантуе апеку над экіпажам і пасажырамі ў выпадку марской аварыі.
ав